“Republika e Kosovës është njohur nga 70 vende anekënd botës dhe ne presim që edhe vendet që përfaqësoni ju, ato që ende nuk e kanë njohur pavarësinë e vendit tonë, sa më shpejt të bëjnë këtë, sepse kështu do të ndihmohej drejtpërdrejt jo vetëm e ardhmja e Kosovës, por e të gjithë rajonit tonë”, tha Presidenti Sejdiu.

Duke elaboruar arritjet e Kosovës që prej shpalljes së pavarësisë, Presidenti Sejdiu tha se Kosova i respekton principet më të larta të demokracisë, si dhe garanton fuqishëm të gjitha të drejtat e pakicave kombëtare, të cilat janë të integruara në jetën institucionale dhe luajnë rol të rëndësishëm në proceset pozitive në vend.

Presidenti Sejdiu ripërsëriti kërkesën që vendet e Ligës së Shteteve Arabe ta kundërshtojnë projektrezulotën që ka paraqitur Serbia në Asamblenë e Përgjithshme të OKB-së.

“Serbia vetë ka kërkuar mendim nga Gjykata Ndërkombëtare e Drejtësisë për legjitimitetin e shpalljes së pavarësisë së Kosovës, ndërsa tash paraqet një projektrezolutë që bie tërësisht në kundërshtim me mendimin e kësaj gjykate. GJND-ja e përforcoi fuqishëm atë që ne e kemi thënë në vazhdimësi; shpallja e pavarësisë së Kosovës nuk është në kundërshtim as me të drejtën ndërkombëtare, as me Rezolutën 1244, por ajo është shprehje e vullnetit politik të popullit të Kosovës, e cila ka qenë njësi e barabartë konstituive e ish-federatës jugosllave, e cila është shpërbërë pikërisht për shkak të luftërave të përgjakshme që shkaktoi politika serbe”, vijoi Presidenti Sejdiu.

Në këtë kontekst, Presidenti Sejdiu ripohoi se Serbia po bën politikë destruktive ndaj Kosovës, duke bërë përpjekje të gjithanshme për t’i penguar njohjet e reja dhe prosperitetin e përgjithshëm të Kosovës.

Në adresimin e tij, edhe Ministri Hyseni ka ritheksuar vendimin e qartë të Gjykatës Ndërkombëtare të Drejtësisë në pyetjen që është shtruar nga vetë Republika e Serbisë dhe gjetjen nga ana e saj në të gjitha pikat në favor të Kosovës. Ministri po ashtu ka theksuar se, vetë Gjykata ka vënë në spikamë rrethanat faktike dhe ligjore që janë të veçanta për Kosovën, siç është: shpërbërja e dhunshme dhe jokonsensuale e ish- Jugosllavisë; miratimi i rezolutës 1244 të Këshillit të Sigurimit për t’i dhënë fund konfliktit të armatosur me qëllim që të zgjidhë krizën humanitare në Kosovë; periudha e administrimit të përkohshëm të Kombeve të Bashkuara; dhe shterimi, pas shumë vitesh, i të gjitha rrugëve për një zgjidhje të negociuar. Në këtë mënyrë, ka thënë Ministri Hyseni, rasti i Kosovës nuk mund të shërbejë si precedent për raste të tjera.

Edhe Ministri Hyseni i është bashkëngjitur thirrjes së Presidentit drejtuar ambasadorëve të shteteve të Ligës Arabe që të kundërshtojnë projektrezolutën e propozuar nga Republika e Serbisë, duke pohuar se ky veprim jo vetëm se do të ishte në pajtim të plotë me Mendimin e Gjykatës Ndërkombëtare të Drejtësisë dhe do t’i kontribuonte paqes dhe stabilitetit në rajonin e Ballkanit Perëndimor, por do të ndihmonte në fakt edhe vetë Republikën e Serbisë. Projektrezoluta, – ka vazhduar Ministri – qartazi bie ndesh me Mendimin e Gjykatës Ndërkombëtare të Drejtësisë dhe si e tillë paraqet mosrespekt dhe kritikë të papranueshme për Gjykatën, dhe se nuk u kontribuon aspak proceseve të normalizimit të marrëdhënieve ndërmjet dy vendeve dhe të ardhmes së tyre evropiane. Në fund, Ministri ka shprehur bindjen se shtetet e Ligës Araba do të jetë edhe këtë herë në anën e Kosovës, ashtu siç ato kane qenë në kohërat kur ajo ka pasur më së shumti nevojë.

Në fund të takimit, mbështetjen e tyre për Kosovën e pohuan ambasadorët e Bahrainit, Jordanit, Arabisë Saudite dhe të vendeve të tjera të Ligës.

Rasti është konfirmuar edhe nga zëdhënësi i policisë në Mitrovicë, Besim Hoti, i cili tha se është në pyetje një vrasje me armë zjarri, ku viktima është një shqiptar i lagjes “Kodra e Minatorëve”.

“Njësitë rajonale të Policisë së Kosovës janë duke mbledhur informacionet fillestare rreth rastit, ndërkohë që kryesit dhe motivi i këtij akti kriminal janë për momentin të panjohur”, ka thënë Hoti.

Pacolli po vazhdon aktivitetin e tij lobues me takimet e realizuara me përfaqësues të Kombeve të Bashkuara, veçanërisht me përfaqësues të vendeve që do të votojnë me 9 shtator gjatë punimeve të OKB-së.

Presidenti i AKR-së në kuadër të kësaj vizite ka shtruar një darkë miqësore ku kanë qenë të ftuar përfaqësuesit më të lartë të shumë shteteve, ndër ta Ministri i Punëve të Jashtme të Maldiveve bashkë me delegacionin e tij, ambasadorët e Timorit Lindor, Grenada, Bangladesh, Azerbaijan, Yemen, Republikës Dominikane, Indonezisë, Bruneit dhe Kazakistanit. Në darkë kanë qenë prezent edhe përfaqësues të mediave nga Kosova.

Pacolli ka kërkuar drejtpërsëdrejti nga përfaqësuesit e shteteve që kanë qenë prezentë në këtë darkë, që të votojnë kundër rezolutës së propozuar nga Serbia në këtë sesion të AP të OKB. Presidenti i AKR-së, Pacolli, ka marrë një sërë konfirmimesh nga këto vende se ato do ta mbështesin fuqishëm Kosovën duke dhënë kontributin e tyre veçanërisht për këtë çështje.

Të mërkurën, Pacolli zhvillon disa takime me Ministra të punëve të Jashtme dhe Ambasador të Kombeve të Bashkuara si dhe me Kryesitë e Ambasadave në Kombet e Bashkuara në Nju Jork. Kreu i AKR-së ka themeluar një zyre të plotë pune në Nju Jork në Millenium në Plaza Hotel ku janë vendosur shtabi i tij dhe një grup i madh i lobistëve të cilët do të punojnë bashkë për Kosovën

Sulmuesi i Rapidit të Vjenës, Hamdi Salihi, është treguar edhe një herë shpëtimtar për Kombëtaren shqiptare të futbollit. Shqipëria me golin e tij fitoi tri pikët e para të këtij cikli eliminator për Evropianin “Ukrainë & Poloni 2012″, pasi të martën mbrëma në “Qemal Stafa” të Tiranës mposhti autsajderin e Grupit D, Luksemburgun, me shifrat 1:0. Salihi shënoi në minutën e 37-të me një goditje volej, pas harkimit në zonë nga Armend Dallku.
Pas kësaj fitoreje Shqipëria ka katër pikë. Shqipëria vetëm katër ditë më herët nxori barazim kundër Rumanisë në Bukuresht (1:1) në hapje të eliminatoreve.
“Jam shumë i lumtur për këtë fitore. Mendoj se luajtëm mirë, por ata treguan shpirt garues dhe kjo na pengoi disi. Në pjesën e dytë pritëm që të luanim më tepër në sulm, por nuk ia arritëm. Ishte e vështirë sepse ata luajtën pisët në duele. Mbuloheshin edhe me nëntë lojtarë në zonë dhe luanin shumë ashpër”, ka thënë seleksionuesi i Shqipërisë, Josip Kuzhe.
Në fakt Shqipëria ishte më dominuese, sidomos në pjesëlojën e parë, mirëpo mungonin rastet për shënim. Në pjesëlojën e dytë Shqipërisë iu lehtësuan punët me largimin e sulmuesit të Luksemburgut Mario Mutsch, i cili pasi pranoi një top me dorë në zonë mori kartonin e dytë të verdhë dhe u përjashtua. Ndodhi kjo në minutën e 58-të. Me gjithë këtë epërsi, Shqipëria nuk ia doli të shfrytëzojë për të shënuar edhe ndonjë gol. Dy rastet më të mira për kuqezinjtë u regjistruan në minutën e 80-të dhe 81-të. Në të dy herët, rreziku erdhi pas rivënieve nga këndi. Në të parën kërcënoi Lorik Cana, ndërsa në të dytën Hamdi Salihi. Një goditje pati edhe Ervin Skela në minutën e 86-të.
“Është shumë pozitive, pavarësisht se nuk shkëlqyem. Kemi ende shumë punë, por jemi të kënaqur sepse e kemi nisur shumë mirë edicionin. Të shohim se deri ku mund të arrijmë. E dinim që do të luante kështu Luksemburgu, pasi nuk është kundërshtar agresiv. Ata patën disa raste, por ne dominuam”, ka thënë mbrojtësi shqiptar Lorik Cana.
Ndeshjen e radhës Shqipëria do ta luajë kundër Bosnjë & Hercegovinës më 8 tetor në Tiranë.
“Shpresoj që të fitojë 1-0 edhe kundër Bosnjës”, ka thënë Kuzhe.

Franca u është kthyer fitoreve dhe atë në transfertën e vështirë ndaj Bosnjës, ndërsa Portugalia nuk di për fitore, pasi që ka pësuar disfatë nga Norvegjia në Oslo. Italia ka deklasuar Ishujt Faroe.

Ishin golat e Karim Benzemas (72’) dhe ai i Florent Maloudas i cili shkëlqeu (78’), që finalizuan kapitulimin e Bosnjës para tifozëve të vet. Në Grupin D prin Shqipëria me shtatë pikë ashtu si Bjellorusia, por me golaverazh më të mirë.

Italia ka shkatërruar Ishujt Faroe në udhëtim me rezultat 5-0, me golat e Gilardinos (12’), De Rossit (22’), Cassanos (27’) dhe me ata të pjesës së dytë të shënuar nga Quagliarella (81’) dhe Andrea Pirlo (90’). Italia kryeson në Grupin C me 6 pikë nga dy ndeshje.

Portugalia u mposht minimalisht në transfertë te Norvegjia, me anë të golit të Huseklepp (21’). Portugezët definitivisht do të kenë probleme për t’u kualifikuar në Euro 2012, pasi që pas dy ndeshjeve ka arkëtuar vetëm një pikë

Shaqiri i shënon gol anglezëve

Xherdan Shaqiri është shqiptari i mbrëmjes së marte në futbollin evropian. Gjilanasi ndonëse ka luajtur në 45 minutat e dytë për Zvicrën, ka qenë autori i golit të vetëm në humbjen nga Anglia (1:3) në kuadër të grupit G. Shaqiri në minutën 71, me një gjuajtje precize nga mëse 25 metra ka zbutur përkohësisht rezultatin, duke i dhënë shpresë helvetikëve që kishin mbetur me një lojtar më pak në lojë. Albert Bunjaku nuk ishte grumbulluar për këtë ndeshjes nga Ottmar Hitzfeld.

Munguan Beqiraj, Kuqi

Fatos Beqiraj ka qenë rezervistë, por sulmuesi pejan nuk është angazhuar në fitoren e rëndësishme të Malit të Zi në grupin G në Sofje ndaj Bullgarisë nikoqire (1:0).

Sulmuesi vushtrrias, Shefki Kuqi nuk është grumbulluar fare nga selektori Stuart Baxter për ndeshjen që kombëtarja e Finlandës pësoi humbje si mysafire e Holandës (2:1) në kuadër të grupit E.

Bajrami në deklasimin e San Marinos

Emir Bajrami ka luajtur gjatë tërë 90 minutave për Suedinë, e cila ka shënaur fitoren më të thellë të mbrëmjes, duke deklasuar San Marinon (6:0). Kjo është ndeshja e dytë te grupit E e Suedisë që sulmuesi i Tventes nga Holanda e luan si titullarë.

Sërish asnjë shqiptar për Maqedoninë

Është psëritur skenari i së premtes, pasi që asnjë futbollist shqiptar nuk është paraqitur për përfaqësuesen e Maqedonisë në futboll, e cila megjithatë në ndeshjen e grupit B, nuk ka shkuar më shumë se një barazim me Armeninë (2:2) në Shkup. Deri sa të premten, shqiptari i vetëm i grumbulluar ka qenë sulmuesi, Agim Ibrahimi të martën, në bankën e rezervistëve ka qëndruar Armend Alimi.

Në Suedi ka filluar të flitet se për 20 vjeçarin kanë shprehur interesim klube të mëdha. Mirëpo, ekipi i tij aktual, Malmo, nuk brengoset fort se mund ta humb yllin e vet.

“Nuk brengosemi. Për ne është kënaqësi kur gjërat shkojnë mirë për të. Që një kohë është duke punuar që ta bëjë këtë hap përpara”, ka thënë presidenti i Malmos, Pelle Svensson, për ueb faqen suedeze fotbolldirekt.se.

Deri tash nuk është përmendur ndonjë emër konkret i ndonjë klubi, por është e qartë se Mehmeti po vëzhgohet. “Nuk do të ishte e çuditshme nëse është kështu. Natyrisht, disa klube po e përcjellin. Mirëpo, për momentin nuk ka kurrfarë bisedimesh”, konfirmon Svensson.

Mehmeti ka realizuar 8 gola në 16 paraqitje këtë sezon. Ai ishte njëri prej faktorëve të rëndësishëm që kontribuuan që Malmo të udhëheqë në kampionatin suedez. Analistët e shohin Mehmetin si një ‘copëz’ të klasit të Zlatan Ibrahimoviç, i cili karrierën e kishte filluar pikërisht në Malmo.

Ai po zhvillohet në të njëjtin stil dhe Malmo mund t’i fitojë miliona euro nga shitja e tij eventuale në të ardhmen. Por, kreu i klubit suedez nuk e preferon krahasimin e futbollistit kosovar me yllin suedez me prejardhje boshnjake. “Nuk mendoj se do duhet ta krahasoni. Janë komplet të ndryshëm si futbollistë dhe si persona”, përfundoi Svensson.

Dy të akuzuarit sot 18 dhe 19 vjeç e pranuan vendimin relativisht të përmbajtur. Mbrojtësit e tyre patën kërkuar dënime shumë më të ulëta. Maximilian Paulus, avokat i Markus S. nuk është i kënaqur me vendimin e gjyqit: “Patëm thënë që në fillim, se vëmendja jonë kryesore ishte e drejtuar në aplikimin e kodit penal për të rinjtë e minorenët. Këtë e arritëm. Dënimin, vendimin nga ana tjetër, ne e konsiderojmë të gabuar dhe ju mund të na besoni se do t’u këshillojmë mandantëve tanë që të kalojnë pa humbur kohë në revizion.”

Në argumentimin e dënimit të tij, gjykatësi Reinhold Beier e paraqiti me hollësi atë që ndodhi dhe theksoi se sjellja e viktimës Dominik Brunner nuk lë vend për kritika. Në fillim ai pati ndërhyrë, pastaj kërcënoi me policinë dhe pastaj e thirri me të vërtetë policinë, duke zënë vend për t’i mbrojtur para nxënësve në stacionin e tramvajit Solln të Mynihut.

Gjykata respekton kërkesën e prokurorisë

Që Brunneri ishte i pari që goditi, këtë gjykata e vlerësoi si vetëmbrojtje. Dy të akuzuarit e patën provokuar goditjen me sjelljen e tyre agresive. Edhe fakti që Brunneri nuk vdiq direkt nga goditjet, por nga një defekt i lindur i zemrës, nuk ndryshon gjë në vlerësimin e përgjithshëm të asaj që ndodhi. Pati qenë vetëm rastësi, që Brunnerit nuk iu thye kafka nga shkelmat e të akuzuarit Markus S. Markus S. e kishte llogaritur me qetësi që Brunneri edhe mund të vdiste, prandaj 19 vjeçari dënohet edhe nën akuzën e vrasjes. Ndërsa i akuzuari tjetër, i cili besohet që e tërhoqi Markus S. nga Brunneri që ndodhej në tokë, dënohet vetëm nën akuzën e plagosjes fizike me pasojë vdekjen.

Një dënim me vend, beson avokatja Anette von Stetten, e cila i ka përfaqësuar prindërit e Brunnerit para gjykatës: “Me vendimin unë jam shumë e kënaqur. Me dënimin e saj gjykata respektoi në masë të madhe kërkesën e prokurorisë, e cila sipas mendimit tim ishte me vend.”